智能手機軟件開發商Innopage 創辦人李勁華指，要求沒有認股權的員工沒日沒夜地工作是不切實際，「996 適用於創辦人和有股份的員工，因為他們的回報會和公司表現掛鈎，但996 唔可以直接套落啲同事度。」他希望員工有自己生活，工作完成後盡早休息，「同媽媽食飯又好，同朋友傾下計又好，你有其他活動的話，你個人的進步會快過日日喺公司做野，你冇時間諗 其他野，瞓醒就返工，收工就瞓覺，咁會冇時間思考。」他指自己既然是創辦人，就應付上責任，「我生活同工作是同一件事，所以我大部分時間就算唔喺公司，我都會諗緊或者做緊公司嘅嘢，所以我唔係996，我係247（1 星期7 天工作，每天工作24 小時）。」他也為年青人辯護，指他們不願超時工作，不代表不熱愛工作，「上一代人的目標較明確，就是希望在最短時間內賺最多錢，跟住上車買樓，咁咪會拚命向上，成代人的常態係比較少理work life balance。呢一代人目標就冇咁明確，佢地寧願一年去四次日本。」
